மலையாளத் திரைப்பட இசையின் மகத்தான இசை மேதையாக விளங்கிய G.தேவராஜன் அவர்களின் நினைவாக நிறுவப்பட்டுள்ள முதல் “ஜி. தேவராஜன் மாஸ்டர் விருது 2026”, புகழ்பெற்ற இந்திய கர்நாடக இசைக் கலைஞர் T. V. Gopalakrishnan அவர்களுக்கு, தேவராஜன் மாஸ்டரின் அன்புத் துணைவியார் திருமதி லீலா மணி தேவராஜன் அவர்களால் வழங்கப்படுகிறது.
1927 முதல் 2006 வரை வாழ்ந்த தேவராஜன் மாஸ்டர், மலையாளத் திரைப்பட இசை வரலாற்றின் தலைசிறந்த இசையமைப்பாளர்களில் ஒருவராக போற்றப்படுகிறார். கவிஞர் Vayalar Ramavarma அவர்களுடன் இணைந்து உருவாக்கிய அற்புதப் பாடல்கள், மலையாளத் திரைப்பட இசையின் பொற்காலத்தை உருவாக்கியவை என்றும் கருதப்படுகின்றன. அவரது இசைப் பங்களிப்பிற்காக, கேரள அரசின் உயரிய திரைப்பட விருதான J. C. Daniel Award உள்ளிட்ட பல விருதுகள் வழங்கப்பட்டுள்ளன.
இந்நிகழ்வில் சிறப்பு விருந்தினராக புகழ்பெற்ற தென்னிந்திய இசையமைப்பாளர் கங்கை அமரன்
கலந்து கொள்கிறார்.
தேவராஜன் மாஸ்டர் தனது இறுதிக்காலத்தில் உருவாக்கிய அரிய இசை வடிவங்களான Choir மற்றும் ஷட்கால பல்லவி இந்நிகழ்வில் மேடையேறுகின்றன.
தேவராஜன் மாஸ்டரிடம் நேரடியாக பயின்று, அவருடைய இசைப்பாடல்களைப் பாடிய 16 கலைஞர்கள் இணைந்து, புகழ்பெற்ற சக்திகாதா Choir பாடல்களில் சிலவற்றை வழங்குகிறார்கள்.
மேலும், தேவராஜன் மாஸ்டரின் கர்நாடக இசை ஆழத்தையும் மேதைத்தனத்தையும் வெளிப்படுத்தும் அபூர்வ படைப்பான “ஷட்கால பல்லவி” மேடையில் அரங்கேறுகிறது. இந்த அபூர்வ நிகழ்வை, தேவராஜன் மாஸ்டரிடம் நேரடியாக இந்தப் படைப்பை கற்றுக் கொண்ட K.Krishnakumar அவர்கள் வழங்குகிறார்.
இந்த நிகழ்ச்சி தேவராஜன் மாஸ்டரின் குடும்பத்தினரும் அவரது இசை ஆர்வலர்களும் இணைந்து நடத்துகின்றனர்.
இடம்: பாரதிய வித்யா பவன் மெயின் ஹால்
தேதி: 17 மே 2026, ஞாயிற்றுக்கிழமை
நேரம்: மாலை 5.30
அனுமதி இலவசம்
அனைவரும் அன்புடன் வரவேற்கப்படுகிறார்கள்.